दीपावली

तेजोमय प्रहर अन् दिव्य पणत्यांची सांज,
फटाक्यांच्या अतिषबाजीत गाजेल ही रात..

फराळाचा भरभराट अन् तूपाचा घमघमाट,
आरंभ करू चार दिवसांची ही वरात...

एक एक किरण अर्पुन चला उजळू ही वाट,
वंदुनी अग्निस करू अंधाराचा नायनाट.
                                श्रीहर्ष (१३/११/२०१२)

!! दीपावलीच्या हार्दिक शुभेच्छा !!

आम्ही एन . आर . आय

 आम्ही एन . आर . आय 

दूर देशी, पांढर पेशी ...देश वीरांची  एक जात आहे,
उष्ण रक्त अन् कठोर शब्द हेच त्यांचे अवजार आहेत...

भ्रष्टाचार, भारतीयांचे विचार, समाजातील कुप्रकार
तासन्तास घालातील वाद, कधी गांधी वाद कधी ठाकरे वाद...

भावना त्यांच्या मनी, पर भित्रे  सारे रमुनी,
विदेशीचे घोट घेता, लढतात फसेबूक वर मिळुनी...

कीव त्यांची येते... नव्हे कीव स्वतःची येते,
पळपुट्या स्वभावाची, खोट्या आमच्या अहंकरची...
देश प्रेमाचा आव आणणार्यांची...
आम्हा सर्वांची... आम्ही ढोंगी देश प्रेमी एन . आर . आय
                                     

                                                                     श्रीहर्ष
                                                                     १ जुलाइ २०१२

Mother's Day :P

दर्शवा प्रेम रोज प्रेयसी,
पर मातेस लाभे आज पर्वणी...
वंदन माझे तुजला माऊली..
बिनशर्त तुझ्या प्रेमा साठी...
               श्रीहर्ष (१३/५/२०१२)

अचानक उफाळून आले आणि हे प्रेमाचे तळे साचले...

थेंब थेंब वेचले... आणि लवकरच ते आटले....

खत पाणी देऊन .. निगा राखून... वृक्ष ते बहरले...

पर हिवाळ्यातील  पानगळ ... भोवतालची लागण ... त्यास ते ही न चुके...

परतेल श्रावण .. वाहतील झरे.. वाहील तळे...फुलेल वृक्ष...

हीच रीत निसर्गाची त्यातून  अपुले छकुले कसे सुटे...

                                                         श्रीहर्ष (२४ एप्रिल २०१२)

आज... नको घेउस निरोप

सुटे आलिंगन पर नजर निरंतर,

थोडी अंधुक... साचलेला त्यात भावनांचा पूर...

बोट गुंफलेली दोघात ,

भोवतालीचे नाही आता भान... 

मनी दोघांच्या एकच कल्लोळ...

स्पंदनातून उमटे एक बोल...

'आज... नको घेउस निरोप...'

शब्द रोखलेले, विश्व गोठलेले...

तुझ्या स्पर्शात आज सर्वस्व झोकलेले..

मूक वाचेतून विनविती  डोळे...

वाहती भेदक  आक्रोश...त्यातही तेच बोल...

'आज नको घेउस निरोप '

तरीही...हा असा काळ..

फिरविली पाठ, सुटला स्पर्श अन दाटले अश्रू...

थमला श्वास, निश्चल हृदय, त्यागला देह...

आणि साद घातली त्या गिधाडांना..

करा संहार, सोसेन मी वार...तुमचा शिकार... 

निहत्ता, निर्मम आणि निर्विकार!!!

 पर सदैव तेवेल तुझ्या प्रेमाची वात...!!!

                                    श्रीहर्ष (९ एप्रिल २०१२)

माझी कविता... माझी माऊली

तुझ्यासंग मैफिल जमली ,
तूच सखी , ती तुझ्यात वसलि,
तूच मनी, तू वाचेत सजली...

सोनेरी ते क्षण ... बहरवले आपण,
पण का कधी तू अशी दुरावत गेली...
परके हे जग , निर्बळ मी एक..
तुझ्यविणा जणू कवच कुण्डल हरपली.

दुरावा हा असह्य ... गोठले हे मन,
अश्रूंची गाथा गायला...हुन्द्क्यान्नहि आले एकटेपण.

मी तुझाच, तुजविण माझे प्रेम अधुरे...
माझे दैवत माझी वाचा..
माझे मन.. तू घे मला कवेत...
दे आलिंगन...परत येऊ दे तुझ्या सेवेत...
माझी कविता.... माझी माऊली.

                         श्रीहर्ष (१७ मार्च  २०१२ )

गणराज्य

गणराज्य 

वंदितो स्थापितांना ,

            आत्म्यांचा  ज्यांच्या आज क्लेश झाला...

वंदितो आज युवला,

         जागृत ज्यांच्या विचारांनी आज देश सावरला...

विनवितो आज यमाला 

        द्रोह ज्यांच्या हृदयी ,त्यांना ने तुमच्या गावा...

अन वंदितो त्या गणरायाला, 

        हे गणराज्य टिकवण्याचे सामर्थ्य दे आम्हा...

                                                                          श्रीहर्ष (२६/०१/१२)

   गणराज्य दिनाच्या हार्दिक शुभेछा...

  माघी गणेश उत्सवानिमित्त ' गणपती बाप्पा मोरया'